O Servizo de Acción Social, Cultural e Deportes, a través da Sección de Servizos Sociais da Deputación Provincial da Coruña, subvenciona o Programa de Asesoramento a Persoas con Síndrome de Asperger e Autismo e ás súas familias. Esta axuda enmárcase dentro da convocatoria de subvencións a entidades sen ánimo de lucro para o desenvolvemento de programas sociosanitarios do ano 2024.
O traballador social desempeña un papel fundamental neste programa, ofrecendo orientación, apoio e xestión de recursos para mellorar a calidade de vida das persoas usuarias. Ademais, facilita información sobre prestacións e servizos dispoñibles, acompaña ás familias no proceso de adaptación ás súas necesidades e promove a inclusión social, actuando como ponte entre a comunidade e os diferentes ámbitos sociosanitarios.